Чулман

Эсседә хәл китмәсен дисәгез... Июньнең салкынча көннәрен июль челләсе алыштырды. Эсселек сәламәтлеккә зыян китерергә дә мөмкин. Ничек сакланырга? Әлеге сорауга “Чулман-Медицина” дәвалау-профилактика үзәге табибы Флера Биктимерова җавап бирә. 🌞 Беренчедән, организм эсселекне җиңелрәк кичерсен өчен, кояшның активлыгы югары булган вакыт – көндезге сәгать 11дән кичке сәгать 4кә кадәр – мөмкин кадәр кояш астында тормаска тырышырга кирәк. 👒👕👚 Икенчедән, кояш астында йөрергә туры килә икән, табигый тукымалардан эшләнгән ачык төстәге иркен киемнәр кияргә, башны капларга кирәк. Үзең белән су алырга. Мөмкин булса, күләгәле, ышыграк урында торырга. 🥤🧃☕ Өченчедән, организм сусызланмасын өчен, ким дигәндә, 1,5-3 литр сыеклык эчәргә кирәк: лимон согы кушылган су, шикәрсез җылы яшел чәй, компот, морс. Ә менә алкоголь, сыра, шикәрле, газлы эчемлек кулланмау хәерле. Алар сусауны басмый, организмдагы матдәләр алмашу процессларын акрынайта. 🍉 🍅🍎Дүртенчесе – дөрес туклану. Өстенлек җиңел азыкларга, әйтик, яшелчә һәм җиләк-җимешкә, пешеркән балык, салкын ашка бирелсен. Майлы, кыздырылган һәм татлы ризыкларны рационнан төшереп калдырыгыз. 👥 Үзегезнең һәм якыннарыгызның сәламәтлегенә игътибарлы булыгыз!

Хөрмәтле шинчылар! Исегезгә төшерәбез: иртәгә, ягъни 8 июльдә, “Гаилә” паркында Гаилә, мәхәббәт һәм тугрылык көненә багышланган бәйрәм узачак. Фестиваль 16 сәгатьтә башлана, бию флешмобы һәм ачык һавада гаилә дискотекасы белән тәмамлана. 🎉 Күңелле булачак! Гаиләгез белән килегез!